Interview with me

This was an interview i made with me while i was trying to test “interviews” section in my website ..

actually , i felt insane when i started to do something like this ..

and i wondered if development made me like this or this is just bcuz of exams

Here is the interview :

me : Hello Mr.Ahmed .
ahmed : Hello .
me : what do you think of our website ?
ahmed : kinda good , but you should edit in alot of things .
me : like what ?
ahmed : like this useless news and freakin interviews .
me : do you think that my interview with you is a freakin interview ?
ahmed : yea , i don’t think that interview with yourself is a good idea anyway .
me : yea :S , you are right .
ahmed : so , go away and continue editing idiot .
me : Ok , but don’t swear again . you are the idiot .
ahmed : we are the same . didn’t you figure out this till now ? .
me : Oh , i should go to sleep now . nice to meet you btw .
ahmed : yea , you are right . thanks .

WordCamp Egypt Feedback

yesterday i gave my first session in WordCamp Egypt  .. It was my first session ever

need ur feedback if u were there ..

thnx

WordCamp Egypt

بسم الله الرحمن الرحيم
السلام عليكم ورحمة الله وبركاته

يشرفنا أن ندعوكم لحضور الحدث العالمى  WordCamp و لأول مرة فى مصر و بالمنصورة برعاية وتنظيم depiak

ماهو WordCamp ؟
حدث عالمى , و هو عبارة عن مؤتمر يدور حول كل شئ فى wordpress نظام التدوين الشهير . يجمتع فى هذا المؤتمر العديد من الناس مثل مطوروا المواقع و مصممى المواقع و أصحاب المدونات و المواقع و كل من يعشق نظام وورد بريس .

روابط متعلقة بالحدث

http://www.facebook.com/event.php?eid=55312977187

http://depiak.catreloaded.net/viewtopic.php?f=0&t=442

المكان: قاعة المؤتمرات – نادي الحوار – المشاية السفلية – المنصورة – الدقهلية – مصر

الزمان: يوم السبت الموافق 28 من مارس 2009

The very first WordCamp to be in Egypt, organized by depiak, an authorized  AT Foundation. We are very glad to host such event in Egypt, and especially in Mansoura.

What is WordCamp?
WordCamp is a conference type of event that focuses squarely on everything WordPress. Everyone from casual end users all the way up to core developers show up to these events.

Helpful Links:

http://www.facebook.com/event.php?eid=55312977187

http://depiak.catreloaded.net/viewtopic.php?f=0&t=442

exams bloggers

“نعم ؟؟؟ انت عايز يبقى فيه امتحان و ماكتبش في البلوج ؟؟؟؟”

ده كان رد عصبي من واحد صاحبي لما سألته هو بيكتب في البلوج ليه …

بس أنا لاحظت بعدها ان مش هو بس اللي كدة … ده معظم صحابي كدة

اشمعنى هما بقى ؟؟؟ أنا كمان لازم أكتب

بس الصراحة ماليش نفس أكتب أوي …

مش مشكلة المهم انهم كتبه و غالبا أنا في نفس الحالة النفسية .. يبقى مش لازم أكتب كفاية هما

ده البوست بتاع صاحب الجملة العبقرية اللي فوق

here

و ده تأثير الامتحان على واحد تاني

here

وده واحد الامتحانات كانت بتعذبه شوية

here

وده أنا

here

هو تقريبا حالة فراغ و بنحاول نعمل فيها أي حاجة

أيام امتحانات بقة

لو دي حرية دينية فين حريتنا ؟؟

بجد أنا مش لاقي كلام أقوله .. فكرت اني أكتب عن الموضوع ده     بس فعلا مش عارف أكتب ايه ولا ايه ولا ايه

أظن اللينك ده حيغني عن كل اللي أنا عايز أقوله

هل تعتبر دي حرية دينية ؟؟
و لو دي حرية دينية فين حريتنا ؟؟
ليه المسجد ممنوع يبقى مفتوح بين صلاة و صلاة؟ يعني اللي فات منه معاد الصلاة و هو في الشارع ماينفعش يصلي ؟؟
(مجرد مثال)
ليه احنا بس اللي لازم نبقى مذلولين ؟؟
امتى حنبدأ مانخفش من ناس مرعوبين مننا ؟؟
لامتى حنفضل نتكلم عن العلاقات الدبلوماسية و السياسية و هي أصلا مش موجودة ؟؟
لامتى حنفضل نضحك على بعض بحاجات عارفين انها مش بتحصل ؟؟

على فكرة ماكنش في دماغي أكتب في البلوج دلوقتي خالص بس فعلا الموضوع كان لازم يتكتب

Team Work

زمان كان الناس دايما تقولي أن أي حد بيشتغل في مجموعة بيطلع انجازات أكتر بكتير من اللي بيشتغل لوحده طبعا الفكرة دي الناس كلها عارفاها و كله مقتنع بيها حتى أنا  بس برضه مكنتش حاسس بفايدتها أوي وكنت بشتغل لوحدي

بس فعلا اكتشفت ان أنا لو كنت اشتغلت مع مجموعة كنت أنجزت أضعاف اللي أنا عملته لوحدي و بمجهود أقل

يعني مثلا لو انت شغال لوحدك :

1 – حتمل بسرعة

2- حتعمل مجهود في البحث و القراءة علشان تعرف حاجة ممكن تسمعها بالصدفة من واحد معاك في المجموعة

3- مش حتاخد بالك من الأخطاء اللي بتعملها

4- حاتأجل شغل كتير

5- مش حتنجز حاجة من الأخر

لو بتشتغل مع مجموعة :

1- حتحس بمتعة في الشغل

2- حتتعلم كتير جدا

3- حتلاقي ناتج للشغل اللي اتعمل

4-حتلاقي ناس تعدل على أخطاءك

5-حتجبر نفسك انك تشتغل بجد

6- أي سؤال في حاجة ممكن تلاقيله اجابة سريعة

7- و حاجات أكتر بكتير

علشان كدة أنا قررت ان شاء الله ان الفترة الجاية كلها ححاول أعمل كل حاجة في

team work

و ان شاء الله أكتب

post

أقارن فيها بين حالي قبل وبعد

team work

لا تقلق

أخضر و أصفر

لو بصينا في خريطة مصر بألوانها الطبيعية حنلاقي اللون الأصفر اللي هوة لون الصحراء مغطي المكان و يتخلله شوية أخضر كدة اللي هوة لون المساحات الخضراء الشاسعة اللي عندنا

بس أنا ايه اللي فكرني دلوقتي بخريطة مصر ؟؟؟ ماهي قدامي علطول

هو تقريبا أنا مالقيتش غير الموضوع ده كتفسير لظاهرة غريبة الأيام دي ..

موضة الأصفر و الأخضر في اللبس

كنت لسة بتكلم مع واحد صاحبي في الموضوع ده و كنت بقول ان مصر قلبت أصفر و أخضر

بس النهاردة كان في حاجة مختلفة تماما

ستة ماشيين جنب بعض أصفر و أخضر

لا لا     هو أربعة أخضر في أصفر و اتنين أصفر في أخضر

هو أنا لية أكتر من تفسير للموضوع ده :

1 – ممكن علشان لو حد حاول يصورهم بالقمر الصناعي يبانوا قطعة من الأرض

2 – ممكن يكون دليل على الحب الزايد لأرض مصر

3 – يمكن اللونين بينوروا شوية في الضلمة

4 – يمكن في فريق كورة جديد باللونين دول و عايزين يبدأوا في دعمه من دلوقتي

5 – يمكن وحدوا الزي الجامعي و أنا لسة ماوصلتنيش المعلومة دي

لو أنا غلط في كل الاستنتاجات دي حد يقولي علشان نفسي أعرف بجد

إني صائم

مش عارف ليه الناس في رمضان بتطلع أفكار عجيبة مش عارف بتجيبها منين و نفسي أعرفلها سبب

أولا : و أنت ماشي في الشارع تلاقي كل الناس بتزعق و يطلع واحد يقولك “أنا صايم و مش ناقص كلمة” يرد عليه التاني “ياعم يعني احنا اللي كفرة؟؟؟

اللي أعرفه ان من أهداف الصيام انك تحفظ لسانك و أنك تقوي الجانب الروحاني عن الجانب الحيواني اللي هو الأكل و الشرب و الشهوة مش انك تبقى مقتنع انك تعبان علشان مكلتش رغم انك في غير رمضان ساعات بتاكل بعد العشاء

عن أبي هريرة – رضي الله عنه – أن رسول الله – صلى الله عليه وسلم – قال :

“الصيام جنة فلا يرفث ولا يجهل وإن امرؤ قاتله أو شاتمه فليقل إني صائم مرتين والذي نفسي بيده لخلوف فم الصائم أطيب عند الله تعالى من ريح المسك يترك طعامه وشرابه وشهوته من أجلي الصيام لي وأنا أجزي به والحسنة بعشر أمثالها “

ثانيا : تلاقي معظم الناس بيسئلوا عن المسلسلات و معظم المسلسلات تتأجل للعرض علشان تبقى في شهر رمضان علشان تلاقي نجاح أكبر

الظاهر الناس فهموا كلمة “رمضان كريم” غلط المفروض ان رمضان كريم ان الجزاء بيبقى مضاعف و بان النفوس بتبقى مرتاحة مش ان بيبقى فيه مسلسلات كتير

ثالثا : تلاقي في بنات تتحجب في رمضان و بعد رمضان ولا أكنها كانت لابسة حجاب في رمضان

هو الحجاب فرض في رمضان و مكروه بقيت السنة ولا ايه ؟؟؟

رابعا : الخيمات الرمضانية ليه ماتتأجلش لبعد رمضان ولا  هوه لازم الناس تلاقي حاجة تهرب بيها من العبادة ؟؟ (لو جابوا فيها حد يفكر الناس بالذكر و الصلاه أظن الموضوع حيبقى مختلف)

خامسا : الناس اللي بتبكي في الصلاه بصوت عالي

البكاء مش من أركان الصلاة و ماظنش ان انتا ماتقدرش توطي صوتك في البكاء و أنا مش قصدي انك ماتبكيش بالعكس

عن أبي هريرة رضي الله عنه عن النبي صلى الله عليه وسلم قال : ” سبعة يظلهم الله في ظله يوم لا ظل إلا ظله”

و ذكر منهم “رجل ذكر الله خالياً ففاضت عيناه“

بس ماقلش ان كل ما عليت كل ما كان أحسن

سادسا : تلاقي كلمة مشهورة (حرام احنا في رمضان ) يعني انت مستني رمضان يعدي علشان تعصي ربنا ولا هو حرام في رمضان حلال بقيت السنة ؟؟

طبعا الخير موجود كتير و الناس ما شاء الله كل سنة أحسن من اللي قبلها بس أنا حبيت أفكر الناس بكذا حاجة كدة من السلبيات اللي بتحصل و دي الحاجات اللي أنا افتكرتها دلوقتي يا ريت اللي عندو اضافة يبعت تعليق

مكتبة الأسكندرية

دايما كان نفسي أروح مكتبة الأسكندرية بس الكسل كالعادة بيقتل كل حاجة .. المهم أخيرا قررت أنا و إسلام محمود اننا نروح المكتبة

و أول ما رجع إسلام كتب عن اليوم ده الصراحة كان يوم جميل جدا  جدا

مش حتكلم عن اليوم ده كتير .. أنا بس كنت عايز أوصف المكتبة للي ماشفهاش ..

المكتبة من جوه متقسمة حوالي 6 أو 7 أدوار مش فاكر .. أول ما بتدخل بتلاقي شوية ماكينات و أجهزه كانت مستخدمة في الطباعة زمان وبعد كدة حتلاقي أرفف للكتب و أماكن علشان تقرا فيها

كل دور بيبقى متقسم بشوية مجالات غالبا مرتبطة ببعض و بيبقى فيه ناس موجودة لو عايز تسأل على أي حاجة و في كل دور بيبقى فيه واحد قاعد على جهاز عليه الداتابيز بتاعت الكتب تسأله على أي كتاب يبحث عنه و يجيبلك مكانه في المكتبة

بالنسبة للتعامل مع الكتب : تاخد الكتاب و تقراه و ماترجعوش مكانه بيبقى فيه أماكن بيتحط فيها الكتاب و هما يرجعوه مكانه

فيه أماكن مغلقة في كل دور مخصصة لطلبة الدراسات العليا للبحث بعيدا عن ضوضاء المكتبة (على فكرة المكتبة أصلا مافيهاش صوت و أي حركه تلاقي كلو مستغرب الصوت جاي منين )

في أجهزة كمبيوتر للحجز و في نت ويرليس أكيد للي معاه لابتوب و أماكن مخصصة لتوصيل الكهرباء و كابلات اللان كمان

قوانين المكتبة اللي لاحظتها :

1- أي حاجة معاك تتسلم الأمانات و مستحيل تدخل بيها

2- لو معاك لابتوب ممكن تدخل بيه بس تثبته في غرفة الموظفين

3- ممنوع دخول أقل من 16 سنة القسم العام و لو معاك أطفال تسيبهم فوق و تنزل القسم الرئيسي من غيرهم

أي سؤال ابعت comment