دايما كان نفسي أروح مكتبة الأسكندرية بس الكسل كالعادة بيقتل كل حاجة .. المهم أخيرا قررت أنا و إسلام محمود اننا نروح المكتبة
و أول ما رجع إسلام كتب عن اليوم ده الصراحة كان يوم جميل جدا جدا
مش حتكلم عن اليوم ده كتير .. أنا بس كنت عايز أوصف المكتبة للي ماشفهاش ..
المكتبة من جوه متقسمة حوالي 6 أو 7 أدوار مش فاكر .. أول ما بتدخل بتلاقي شوية ماكينات و أجهزه كانت مستخدمة في الطباعة زمان وبعد كدة حتلاقي أرفف للكتب و أماكن علشان تقرا فيها
كل دور بيبقى متقسم بشوية مجالات غالبا مرتبطة ببعض و بيبقى فيه ناس موجودة لو عايز تسأل على أي حاجة و في كل دور بيبقى فيه واحد قاعد على جهاز عليه الداتابيز بتاعت الكتب تسأله على أي كتاب يبحث عنه و يجيبلك مكانه في المكتبة
بالنسبة للتعامل مع الكتب : تاخد الكتاب و تقراه و ماترجعوش مكانه بيبقى فيه أماكن بيتحط فيها الكتاب و هما يرجعوه مكانه
فيه أماكن مغلقة في كل دور مخصصة لطلبة الدراسات العليا للبحث بعيدا عن ضوضاء المكتبة (على فكرة المكتبة أصلا مافيهاش صوت و أي حركه تلاقي كلو مستغرب الصوت جاي منين ) 
في أجهزة كمبيوتر للحجز و في نت ويرليس أكيد للي معاه لابتوب و أماكن مخصصة لتوصيل الكهرباء و كابلات اللان كمان
قوانين المكتبة اللي لاحظتها :
1- أي حاجة معاك تتسلم الأمانات و مستحيل تدخل بيها
2- لو معاك لابتوب ممكن تدخل بيه بس تثبته في غرفة الموظفين
3- ممنوع دخول أقل من 16 سنة القسم العام و لو معاك أطفال تسيبهم فوق و تنزل القسم الرئيسي من غيرهم
أي سؤال ابعت comment
This entry was posted on July 24, 2008 at 4:42 pm and is filed under Uncategorized . You can follow any responses to this entry through the RSS 2.0 feed
You can leave a response, or trackback from your own site.
July 25, 2008 at 10:12 am
جميل جداا يا واد
ان شاء الله هحاول اروح المكتبة قريب
بس انت عارف الكسل بقى
سلاااااااااااااااام يا صاحبي
July 27, 2008 at 12:39 pm
يا بختكككك يا عمممم
انا عندي سؤال اه …
تقدر تيجي معايا المكتبة الاسبوع الجاي كده؟؟
أصلي بقالي كتير عايز أنزل اسكندرية
و قررت أنزل قريب ان شاء الله حتى لو لوحدي
شكرا على الوصف الجامد للمكتبة
سلام
July 27, 2008 at 2:51 pm
أكيد ان شاء الله يا عبد الله اروح معاك .. انا ناوي أروح كتير ان شاء الله
January 25, 2009 at 8:02 am
السلام عليكم
انت فى جامعة المنصورة ؟
مبرمج ويب ؟